星期四同ar潘去睇戲，好耐都未試過咁癲喇，又一個通宵ge夜晚......呢日真係好開心，突如其來ge午夜場、推幣、傾計傾通宵、M記早餐....

   我希望我可以成為你心目中ge人，就算唔係十足十，甚至係5成都唔到，我都唔想你會有放棄我的一天。我要努力，就算變唔番以前咁，都唔可以再係咁衰落去，起碼要停止然後再改。係我人生入面，一定要有你呢一個會嚴厲鞭策我ge人，咁樣我先會識回頭望一望，保持番我地應該有ge野！！我愛你呀~~ar潘！

   雖然呢幾日我都仲未打比你，但係我係好重視最期四呢一晚所發生ge野，亦都唔會唔記得我用晒我銀包d錢同你影貼紙相，d貼紙相影到好搞笑！唉...宜家你係我債主(短暫)。仲有，兩條友去到朗豪坊先知冇新娘愛鬥大囉...............=.="

  琴晚真係咳到頂唔順，走左去睇醫生....超多人病囉，成間診所都爆滿人，不愧為流感高峰期ar下！見到靚女醫生，醫生問我：「你有冇發燒？」我答：「冇。」跟住佢就放個探熱器落我額頭到.....咇咇咇咇咇.....「你發緊燒喎！」....=.=我真係冇想過我會病得咁嚴重，之後我想起呢兩日訓覺都訓到出晒汗，我仲係到話個天氣有冇咁熱呀！？原來，我應該係不斷咁發燒翻發...

  醫生，我知道你d藥好有效，不過真係太犀利la，食完d藥我就溫溫焞焞.....頭暈暈、仲差d見嘔添....有時，我真係覺得自己似患左絕症多d........@@好辛苦呀！我以後都唔想再病~~~~~

  多謝各位記得我ge生日；同我講過、send過msn比我ge人...今年生日可以同到ar潘過真係好開心！禮物仲好驚喜添，``美源髮彩，無得彈！``。